Dinamización

17-03-2017 A Fundación Santiago Centro, Área Comercial, organiza para o próximo día 21 de marzo unha xornada de formación dirixida a comerciantes do Ensanche de Compostela sobre os novos métodos de pago a través do teléfono móbil. A actividade levarase a cabo no salón de actos do Centro Sociocultural e Xuvenil O Ensanche (Rúa Frei Rosendo Salvado, 16) o día 21 de marzo ás 20.30h. A xornada enmárcase dentro do ciclo de charlas coloquio “O comercio que vén”, co que Santiago Centro busca expoñer ao sector as últimas tendencias, debater sobre o futuro e atopar novas vías. Esta primeira sesión está ao cargo de Iago Varela, enxeñeiro de telecomunicacións e blogueiro tecnolóxico especializado en Android e telefonía. É o responsable da web Mallando no Android. Na súa intervención falará de pago a través de móbil, das diferentes tecnoloxías existentes na actualidade e da súa implantación, e mostrará os distintos tipos de solucións e posibilidades para comerciantes e usuarios. Ler máis

01-02-2017 O Mercado de Nadal, organizado desde o departamento municipal de Comercio, celebrou a súa terceira edición entre o 3 de decembro e o 5 de xaneiro na rúa Carreira do Conde. Preto de 17000 persoas visitaron o mercado durante todo o Nadal. Ler máis

17-10-2016 Os nosos comercios son froito dunha longa evolución ateigada de esforzo, creatividade e historias de vida. Como a propia Compostela, fóronse adaptando ás necesidades dos tempos, mudando para seguir sendo un piar da comunidade, para ofrecernos en cada momento os mellores produtos e servizos. As pegadas deses cambios son aínda visibles nas rúas, na feitura dos edificios, na aparencia de moitos establecementos ou nos elementos históricos que outros conservan. Son voces do pasado que soan con forza no noso presente, pois falan do que noutro tempo fomos e do que queremos ser, das nosas vivencias persoais e das nosas ilusións. Por esta razón, os establecementos comerciais constitúen unha representación de nós mesmos e da cidade. Os seus vellos mobles, rótulos vintage, aparellos antigos ou os saberes acumulados polos propietarios dan cor a unha paisaxe urbana e emocional que sen eles sería banal e impersoal. Signifícanse coma un emblema da cidade, un deses ingredientes que fan de Santiago un lugar único, feito con pedra e corazón. Ler máis

10-10-2016 A asociación de Empresarios de Santiago e Comarca, Em Rede, organiza os seus obradoiros de outono. Non volos podedes perder!. Ler máis

10-10-2016 A Asociación de Comerciantes, Empresarios e Profesionais CCA Compostela Monumental organizará os días 14, 15 e 16 de outubro, no Casco histórico, a I Feira Napoleónica Goyesca - Batalla do Campo da Estrela. O obxectivo que persegue o evento é dinamizar a zona monumental en datas de baixa intensidade para o comercio e a hostalería, así como facilitar aos veciños do barrio unhas xornadas festivas e cheas de actividades para todos os públicos. Durante os tres días que durará a feira, recrearase a histórica Batalla do Campo da Estrela, onde a División do Miño, capitaneada por Martín de la Carrera, enfrontouse ás tropas do Xeneral francés Maucune, derrotándoas e creando unha situación propicia para a expulsión de Galicia do exército de Napoleón Bonaparte. Ademais das actuacións programadas, desenvolveranse obradoiros e actividades para os máis xoves ao longo da xornada. Ler máis