Novas

Ampliado o prazo de descarga e uso dos Bonos Corazón Compostela ata o 31 de decembro

01/12/2022 O Goberno Municipal acordou hoxe ampliar o período de validez dos Bonos Corazón Compostela desde o día da publicación das bases no BOP da Coruña ata o 31 de decembro de 2022, salvo esgotamento previo do saldo. O Concello de Santiago destina a estes bonos 1.250.000 euros. Ata agora, o último día para descargalos e utilizalos era o 10 de decembro. Unha vez se publiquen no BOP, amplíase o prazo ata o último día do 2022. Ler máis

Máis de 20.500 bonos descargados e 537 establecementos adheridos ao programa Bonos Corazón Compostela

19/11/2022 Dende que se abriu o prazo o pasado 8 de novembro, xa son 20.551 o número de Bonos Corazón adquiridos polos usuarios e usuarias. Ademais, 537 establecementos de Santiago se adheriron xa a este programa de incentivación do consumo: 460 comercios e 77 negocios de hostalería. O prazo para solicitar e canxear os bonos permanecerá aberto ata o 10 de decembro, salvo esgotamento previo do seu saldo. Os establecementos que desexen adherirse ao programa terán de prazo ata o 30 de novembro. Ler máis

O Mercado da Estrela convida a redescubrir o Nadal do 16 ao 18 de decembro

Imaxe da 11ª edición do Mercado da Estrela

16/11/2022 A Feira Creativa de Agasallos celebrarase en San Martiño Pinario e no 2º andar do Centro Obra Social Abanca na praza de Cervantes e levará aparalleda obradoiros e gardería ludoteca para a cativada. A programación completarase coa oferta musical e gastronómica na praza 8 de marzo e na pista cuberta do Centro Don Bosco. A que será a 11ª edición do festival do talento galego, foi presentada esta mañá polo concelleiro de Festas, Gonzalo Muíños, a directora do evento, Mónica Mejías, e a xerente da Fundación de Artesanía de Galicia, Elena Fabeiro. Ler máis

Ábrese o prazo para descargar os "Bonos Corazón Compostela"

08/11/2022 O BOP da provincia da Coruña publica hoxe as bases da convocatoria de concesión das axudas do programa de dinamización e incentivación do consumo no comercio e hostalería local "Bonos Corazón Compostela 2022"; aos que o Concello de Santiago destina 1.250.000 euros. As personas interesadas poden descargalos desde hoxe, 8 de novembro, ata o 10 de decembro de 2022, ambos inclusive, salvo esgotamento previo do seu saldo. No caso dos establecementos que desexen adherirse ao programa teñen de prazo desde hoxe ata o 30 de novembro. Ler máis

A Xunta de Goberno Local aproba as axudas dos Bonos Corazón Compostela 2022, aos que se destinan 1,2 millóns de euros

02/11/2022 A Xunta de Goberno Local, reunida en sesión extraordinaria, aprobou a convocatoria de concesión das axudas do programa de dinamización e incentivación do consumo no comercio e hostalería local "Bonos Corazón Compostela 2022"; aos que se destinan 1.250.000 euros. Ler máis

Aberto ata o 9 de novembro o prazo de solicitude de participación nos postos de venda do Mercado de Nadal

28/10/2022 O Departamento de Comercio abre o prazo para solicitar a participación no Mercado de Nadal, que se celebrará do 2 de decembro ao 5 de xaneiro na rúa da Carreira do Conde e, como xa se fixo en anos anteriores, do 23 de decembro ao 5 de xaneiro tamén en Área Central. A inscrición estará aberta ata as 23.30 horas do día 9 de novembro. Ler máis

Concellaría de Comercio

A Concellaría de Comercio impulsa actuacións para mellorar a oferta comercial de Santiago e para promocionar o comercio como elemento vertebrador da vida social e económica da cidade, a través de políticas activas de apoio ao comercio, de impulso do asociacionismo comercial, do aumento da súa competitividade e de mellora do contexto urbano.